“धग” -कोंकणी कवितां संग्रह
“धग” -कोंकणी कवितां संग्रह
दोळ्यात दोळे घालूनशब्द गिळून मोन थुकताम्हजे आंग थंडगार जातामडेचतेन्ना हांव कवितेचोधग घेता ! - ममता
कवियत्री ममता दीपक वर्लेकर हाणी समाजाचे प्रतिनिधित्व करता असो आशय
उक्तायला. कांय मुक्त छंद कवितांनी सजयल्लो हो कांव्यसंग्रह कविता मोगीं
खातीर आवडिचो . देखून कविता मोगींच्या संग्रहांत हो कविता संग्रह आसपाक
कसलोच प्रॉब्लेम ना.
हें पुस्तक गोवा कोकणी अकादमी "पैलो चवर" येवजणे खाला उजवाडाक आयलां.
“कविता “ हो साहित्य प्रकार म्हजो आवडिचो.कविता म्हळ्यार कमी शब्दानी साचे बध्द
पणान आपल्याक जाय तो संदेश लोकामेरेन पावोवपाचे एक उत्कृश्ठ माध्य्म.कवितेंत
साचेबध्दता तर म्हत्वाची आसता पूण ताचेपरस म्हत्वाचे म्हळ्यार त्या कवितेच्या
माध्यमातल्यान लोकामेरेन पावपी “संदेश “ कवितेत जायते प्रकार तशेच उपप्रकार
आसात छंद मुक्त , गझल ,होवि ,बालगिता………
ममताल्यो कविता गाव ,देव देवस्की ,भाकड कथा , आपल्या काव्यात माडपाचो यत्न
करता.”आजी म्हणटा पावस घडघडटा , म्हातारी दाते दळटा अश्यो भाकडकथा आमी
आयकल्यात अशीच एक कविता ममता आपल्या धग ह्या कवितासंग्रहात वाचकां
मुखार मांडटा.
“ती , हाव आनी राक्षीण “
गावच्या सगळ्यात बारिक
पायणितल्यान वाट वयताली
पयस ते दोगुल्लेर
आई सांगताली
“ थयच राव ती राक्षिण “
सुयेणेन पाट मारचे पयलीच
कपलार
उडून गेली
भुर्रर्रsss करुन.
उडून गेल्यो सगळ्यो राक्षिणी
थंयच रावतात.
आयच्या व्यस्त जिणेंत स्पर्धात्मक जिवीत जगतना पयशे आनी भौतिक सुखांचो
हायस चडांत चड लोकांक आसा. जिणेचें सार उपभोगपाच्या भ्रमांत आसतना,
आपलें सगळें कवितेंत ओतून ह्यो कविता जिणेचो सार मानून विचारांनी आनी
भावनांनी नव्या आशेन सार्वत्रिक जावपी एक जिवंत कवियत्री..
धग कविता संग्रहाक 72 पाना आसपावल्यात .एकुण 54 कवितांचो “ धग” हो कविता
संग्रह “वर्स शेणले .अशे म्हणुया हि कविता वाचप्यांक विचार करपाक प्रवृत
करपी..कविता रचतना कवियत्री
“वर्स शेणले अशे म्हणुया”
आईच्या हातातल्यान
निसरुन शेणटाली
वखदाची गुळी
सापडनासली कशीच
“आयज आसूं
वखदाम्हारग जाल्यात
मनशाक निरमित जाय फकत
फाटले वर्स
निसरले हातातल्यान म्हज्या..
“चल विसरले तुका!
दुकाय म्हारग जाल्यात
मनशाक निमीत जाय फकत.
हे कवेतेत रचनेत प्रचंड संशोधन आनी समाजातल्या चालू घडामोडिचेर अभ्यास आसा
हे जाणवता.कवियत्रिचे शब्दाचेर आशिल्ले प्रभुत्व कवितानी जाणवता.काय शब्द
कवियत्रिन “ग्रामिण वाठारातले निजाचे वापरल्यात जशे मुदार ,बोदरा,मुड्यातलो,
हबकार्या,थीर,शीवर.
गाव,गावपण,जिक समाज हाचेर उजवाड घालपी धग कविता संग्रहातल्यो कविता
पोळोवया –
1)मड्यातलो आंबो
मानकुराद ,मांगिलाल,पायरी
तूंय तसोच
मुंड्यातलो आंबो
2) हावे तरी इतलेच पळयला
कवियत्री म्हणटा
ताचीच मुसळ हातांत घेवन
ताचीच कांबळ ओडटना
प्रसन्न दैवतेचे सवंग घेतना...
हवे तरी इतलेच एळयला.
एका धपक्यान सरासरी वाचून सोपताअसो कविता संग्रह न्ही हो.ह्या कविता संग्रहातली
दर एक कविता जाणिवपूर्वक आनी काळजीपुरवक एक एक शब्द ,वाक्य ,प्रसंग ,घटना
ताचे अर्थ वाचप आनी ताचेर चिंतन करप अश्या तरेची हि काव्य रचना.खुब तेपान एक
दर्जेदार “काव्य” साहित्य प्रकार कोकणित दिसलो.कविता झेलो वाचप्यांक कवियत्रिचे
सखोल वाचन आनी योग्य साहित्यीक बादावळीचे ज्ञान दिसता.
समाजिक प्रथांची कथा सागिल्याचो भास काव्यात अणभवता.ममता वर्लेकार हांच्या
काव्यझेल्याच्या सुरवेक “प्रस्तावनेत”…. डाॅ .रमिता गुरव म्हणटा “ ममताच्यो कविता
अस्वस्थ करपी कांय प्रस्न आमच्यामुखार दवरतात.वाचप्याक अंतर्मुख करतात ,विचार
करपाक प्रवृत करतात.मनीसपणाचेर आशिल्लो ताचो विस्वास ,अन्यायाचो विरोध
,स्त्रितत्वाबद्धल आशिल्लो स्वाभिमान प्रखरतायेन व्यक्त करतात.प्रवाहाच्या विरुध्द
पेवपी मनशाच्या मनाची तडफड ,आशे -निराशेचे दूंदू,कल्पना तशेच यथार्थाचो बरो मेळ
आमका ह्या कवितानी पळोवपाक मळटा.”
तुमचें लक्ष कशें ओडचें तें कवियत्रिक कळटा. पुस्तकांतल्यान सुरवातीच्या पाना
थावन निमाण्या ओळीं मेरेन ममताच्या धग कविता कविता संग्रहांत एका
तरणाट्या लेखकाच्या पदार्पणाची चड तात्काळताय आसा. आपल्या शीर्षका
प्रमाण ते मुखार वता. कविता ओतता, विचार एकठांय करतात आनी
धमकायतात ... उडून गेल्लो एक मुक्त तरंगपी विचार संवसाराच्या शेवटाक जें
आमकां इतल्या लोकांक जरी भोगता आमी व्यक्त करुंक शकनात... “दिवाळी” हें
खातीर बरयलां अशें दिसता, खास करून आमी महामारीच्या मदीं सांपडटात, पूण
100 वर्सां उपरांत उदेंवपाक शकता अशा लक्ष्य प्रेक्षकां खातीरय. तुमी कल्पना
करतात फुडाराक कोण तरी तातूंतल्यान उलटून, साहित्य सोदून काडटा, आनी
ताचो अर्थ सोदून काडपाचो यत्न करता ... कोकणी मोग्यानी ममना वेर्लेकर हाचो
धग कविता संग्रह मुजरत वाचचो.
कवियत्री : ममता दीपक वर्लेकर,पिलेर्न-गोंय,प्रकाशन क्रमांक-1,पयली आवृत्ती-
2021,प्रिंटर रिया ग्राफिक्स हांणी केला,कव्हर ममता वर्लेकार हांणी केला आनी
मयूर चोडणकार हांणी केला ,किंमत- 90 रु
Comments
Post a Comment